حضرت مولانا الیاس ؒ اور انکی تبلیغی تحریک

'تاریخ ہند' میں موضوعات آغاز کردہ از احمدقاسمی, ‏اپریل 3, 2014۔

  1. احمدقاسمی

    احمدقاسمی منتظم اعلی۔ أیدہ اللہ منتظم اعلی

    پیغامات:
    3,648
    موصول پسندیدگیاں:
    792
    صنف:
    Male
    جگہ:
    India
    حضرت مولانا الیاس ؒ اور انکی تبلیغی تحریک
    ( اقتباس تاریخ ندوۃ العلما لکھنؤ)
    مولانا (سید عبد العلی صاحب ؒ ) آگے لکھتے ہیں "اس سفر میں ہم نے جو سب سے حیرت انگیز چیز دیکھی اور جس سے ہم کو لازوال مسرت اور روحانی شادمانی حاصل ہوئی وہ میوات کے علاقہ میں حضرت مولانا محمد الیاس صاحب کا تبلیغی کام اور نظام ہے ، ہم نے جو کچھ اپنی آنکھوں سے دیکھا وہ وہ بیسویں صدی عیسوی کا منظر نہ تھا ، بلکہ پہلی صدی ہجری کا نقشہ معلوم ہوتا تھا ، عہد بعثت کی اصلاح اور انقلاب حال اور قرون اول کے نو مسلموں کے جوش وجذبہ اور تبلیغ کے ذوق وشوق کے جو قصے ہم نے سیرت اور تاریخ اسلام میں پڑھے تھے ، گوڑ گانوہ کی جامع مسجد اور قصبہ نوح اور شاہ پو ر کی گلیوں میں اس کا نمونہ دیکھا ، واقعہ یہ ہے کہ یہ چشتی درویش اور مجددی عالم ، قدیم غیاث پور ( حال بستی نظام الدین ) میں حضرت نظام الدین اولیاؒ کے پہلو میں بیٹھ کر حضرت معین الدین چشتی ؒ کی اشاعت اسلام اور حضرت مجدد سر ہندیؒ اور حضرت شہید رائے بریلوی کی حفاطتِ اسلام کی سنت زندہ کر رہا ہے "۔
    مولانا نے تبلیغ میں مسلمانوں کو عملی شرکت کی دعوت دیتے ہوئے ایک اور شمارے ( الندوہ ،مارچ ۱۹۴۰ءمیں تحریر فر مایا:۔
    " ان تمام لو گوں کے لئے جو دین کا ذوق اور فہم رکھتے ہیں ،اور اس زمانہ کی ہنگامہ آرائیوں سے اکتا چکے ہیں ،اور جن کے نزدیک طریقِ نبوت ہی عمل کا راستہ ہے ، نیز اُن لوگوں کے لئے جو اپنے زمانہ کی دینی ویرانی پر حسرت کرتے ہیں ، مخلصانہ مشورہ ہے کہ وہ دہلی بستی نظام لدین میں مولانا محمد الیاس صاحب کی خدمت حاضر ہوں اور ان کے ساتھ کچھ وقت صرف کریں اور میوت میں جاکر تبلیغ کا کام اور اس کا نظام دیکھیں اور اس کے اثرات ملاحظہ فر مائیں ۔
    تعجب ہے کہ لوگ تاریخ کے آثار قدیمہ ، بادشاہوں کی منہدم عمارتیں اور شکستہ مقبرے دیکھنے دور دور جاتے ہیں ، لیکن قرون اول کے زندہ نمونے اور اسلام کی جیتی جاگتی تصویریں دیکھنے کا شوق نہیں ہوتا اور اس کے لئے سفر کی زحمت گوارا کرنے والے بہت کم ہیں ۔ حقیقت یہ ہے کہ معاصرت بڑا حجاب ہے ۔
    عامر، بنت حوا اور محمدداؤدالرحمن علی نے اسے پسند کیا ہے۔
  2. نورمحمد

    نورمحمد وفقہ اللہ رکن

    پیغامات:
    2,119
    موصول پسندیدگیاں:
    354
    صنف:
    Male
    جگہ:
    India
    اللہ سبحانہ و تعالی حضرت کو اجر عظیم عطا کرے اور ان کے درجات کو بلند فرمائے
    اس اقتباس کی شیئرنگ کے لئے بہت بہت شکریہ : : :
    عامر، بنت حوا اور محمدداؤدالرحمن علی نے اسے پسند کیا ہے۔
  3. محمدداؤدالرحمن علی

    محمدداؤدالرحمن علی منتظم۔ أیده الله Staff Member منتظم رکن افکارِ قاسمی

    پیغامات:
    6,301
    موصول پسندیدگیاں:
    1,708
    صنف:
    Male
    جگہ:
    Pakistan
    جزاک اللہ احسن الجزا
    عامر اور بنت حوا .نے اسے پسند کیا ہے۔
  4. بنت حوا

    بنت حوا فعال رکن وی آئی پی ممبر

    پیغامات:
    4,572
    موصول پسندیدگیاں:
    458
    صنف:
    Female
    جگہ:
    Pakistan
    جزاک اللہ خیرا
    عامر نے اسے پسند کیا ہے۔

اس صفحے کو مشتہر کریں