فتنہ گوہر شاہی

'دین الٰہی گو ہر شاہی' میں موضوعات آغاز کردہ از بے باک, ‏مارچ 29, 2011۔

  1. بے باک

    بے باک وفقہ اللہ رکن

    پیغامات:
    169
    موصول پسندیدگیاں:
    1
    صنف:
    Male
    جگہ:
    Afghanistan
    لیجیے ، سب سے پہلے ایک دور حاضر کا فتنہ کے بارے لکھتے ہیں ، آج کل پاکستان او رکچھ دوسرے ملکوں میں مراقبہ ھال کھل رہے ہیں ، اور دل یعنی قلب کو جاری کرنے کا نعرہ لگاتے ہیں اور اللہ ہوُ اور ذکر اللہ کو سب عبادات سے افضل قرار دیتے ہیں ،اور اس میں طبلے اور میوزک کی دھن میں باقاعدہ لڑکیاں اور لڑکے رقص کرتے ہیں ،یا وہ اسے ورد پر جھومنا کہتے ہیں،
    ،،،،،،،،،،
    پہلے نمبر پر ان کی تعلیمات کیا ہیں ،
    وہ پڑھیے ، اور حوصلہ رکھیے اس بارے آپ کو مکمل اور تفصیلی معلومات ان کی ہی کتب سے دیں گے اور پھر انٹرنیٹ کی دنیا میں ان کے متعلق اتنی معلومات مل جائیں گی جو کسی مخالف نے نہیں بلکہ خود انہی کی زبانی موجود ھیں ،
    ،،،،،،،،،،،،،،،،،،،
    [​IMG][​IMG]

    فتنہ گوہر شاہی کے باطل عقائد و نظر یات
    ریاض احمدگوھرشاہی (25 نومبر1941ء تا 25 نومبر2001) ایک صوفی، مصنف، روحانی پیشوا اور انجمن سرفروشان ِاسلام (ASI) کے سرپرست و بانی تھے۔ [1] گوہر شاہی ایک متنازع شخصیت کے حامل ہیں اور مسلم علماء انکے بیانات پر احتجاج کرتے رہے ہیں۔ پورانام ریاض احمد گوھرشاہی ہے۔

    گوہریہ مذہب بہت خطرناک فتنہ ہے اس کا بانی ریاض احمد گو ہر شاہی ہے گو ہر شاہی نے اس کا آغاز اپنی انجمن سر فرو شانِ اسلام کے نام سے کیا- علماء اسلام اس کو دین سے خارج قرار دیتے ہیں۔

    اس فرقے کا طریقہ واردات اس لحاظ سے بہت پر اسرار اور خطر ناک ہے کہ نہ صرف اہلسنّت ہونے کا دعوٰی کرتے ہیں بلکہ اعلحٰضرت امام اہلسنّت مولانا شاہ احمد رضاخا ن صاحب علیہ الرحمہ کی اتباع اور عقیدت کا بھی دم بھرتا ہے فتنہ گوہر یہ اہلسنّت کو بد نام کرنے اور نوجوانوں کو راہِ حق سے بہکانے کےلئے اہلسنّت کا لیبل لگا کر مسلمانوں کو گمراہ کرتے ہیں ۔
    گو ہر شاھی نے اپنی گمراہیت ان تینوں کتابوں میں تحریر کی ہیں جنکے نام ”روحانی سفر ،روشناس اور مینارہ نور“ وغیرہ ہیں اب آپکے سامنے ان کتب کی عبارات ثبوت کیساتھ پیش کی جارہی ہیں ۔
    گو ہر شاہی اور اسکے معتقدین کے عقائد و نظر یات::
    عقیدہ :نماز، روزہ ،زکوٰ ۃ اورحج کو اسلام کے وقتی رکن کہا گیا ہے کہ روزانہ پانچ ہزار مرتبہ عوام ،پچیس ہزار مرتبہ امام اور بہتر ہزار مرتبہ اولیاءکرام کو ذکر کرنا لازمی قرار دیا گیا ہے کہ ہر درجہ کے ذکر کے بغیر نماز بے فائدہ ہے اگرچہ سجدوں سے کمر کیوں نہ ٹیڑھی ہوجائے ۔(بحوالہ :کتاب :روشناس صفحہ نمبر 3)
    عقیدہ :پیرو مرشد ہونے کے لئے عجیب و غریب شرط قائم کی ہے کہ اگر زیادہ سے زیادہ سات دن میں ذاکر قلبی نہ بنا دے تو وہ مرشد نا قص ہے اور اس کی صحبت سے اپنی عمر عزیز بر باد کرنا ہے ۔
    (بحوالہ : کتاب :روشناس صفحہ نمبر6)
    عقیدہ :حضرت آدم علیہ السلام نفس کی شرارت سے اپنی ورا ثت یعنی جنت سے نکال کر عالم
    نا موت جو جنات کا عالم تھا پھینکے گئے ۔(معاذاللہ )(بحوالہ :کتاب :روشناس صفحہ 8 )
    عقیدہ :حضرت آدم علیہ السلام پر یوں بہتان باندھا ہے کہ آپ جب اسم محمد صلی اللہ علیہ وسلم اللہ تعالیٰ کے نام کیساتھ لکھا دیکھا تو خیال ہوا کہ یہ محمد صلی اللہ علیہ وسلم کون ہیں ۔جواب آیا کہ تمہاری اولاد میں سے ہوں گے ۔نفس نے اُکسایا کہ یہ تیری اولا دمیں ہوکر تجھ سے بڑھ جائیں گے یہ ”بے انصافی “ہے اس خیال کے بعد آپ کو دوبارہ سزاد ی گئی۔(معاذ اللہ )(بحوالہ :کتاب :روشناس صفحہ نمبر 9)
    عقیدہ :قادیانیوں اور مرزا ئیوں کو مسلمان کہا ہے البتہ جھوٹے نبی کو مان کر اصلی نبی کی شفاعت سے محروم کہا ہے ۔(بحوالہ :کتاب :روشناس صفحہ نمبر 10)
    عقیدہ :اللہ تعالیٰ کا خیال ثابت کرکے اس کے علم کی نفی کی ہے ایک دن اللہ تعالیٰ کے دل میں خیال آیا کہ میں خود کو دیکھوں سامنے جو عکس پڑا تو ایک روح بن گئی اللہ اس پر عاشق اور وہ اللہ پر عاشق ہوگئی ۔(معاذاللہ )(بحوالہ :کتاب :روشناس صفحہ نمبر20)
    عقیدہ :حضرت آدم علیہ السلام کی شدید ترین گستاخی اور اخیر میں ان پر شیطانی خور ہونے کا الزام لگایا ہے ۔(معاذاللہ )(بحوالہ :کتاب :مینارہ نو ر صفحہ نمبر 8 )
    عقیدہ :ذکر کو نماز پر فضیلت دی ۔ذکر کا نیا طریقہ نکالا اور قرآنی آیت کے مفہوم کو بگاڑ کر اپنے باطل نظریہ پر استد لال کیا ہے ۔(بحوالہ :کتاب :مینارہ نو ر صفحہ نمبر17)
    عقیدہ :جب تک حضورصلی اللہ علیہ وسلم کی زیارت کسی کو نصیب نہ ہو اسکا امتّی ہونا ثابت نہیں ۔
    (بحوالہ :کتاب :مینارہ نو ر صفحہ نمبر24)
    عقیدہ :قرآن مجید کی آیت کا جھوٹا حوالہ دیا گیا ہے کہ قرآن مجید میں اللہ تعالیٰ نے باربار ”دع نفسک و تعالیٰ “فرمایا ہے حالانکہ پورے قرآن مجید میں کہیں بھی اللہ تعالیٰ کا یہ فرمان وارد نہیں ہوا۔ (معاذاللہ )(بحوالہ :کتاب :مینارہ نو ر صفحہ نمبر29)
    عقیدہ :علماءکی شان میں شدید ترین گستاخیاں کی گئی ہیں ایک آیت کہ جو کہ یہود سے متعلق ہے علماءو مشائخ پر چسپاں کیا ہے ۔(معاذاللہ )(بحوالہ :کتاب :مینارہ نو ر صفحہ نمبر30,31) عقیدہ :حضرت خضر علیہ السلام اور ان کے علم کی تو ہین کی گئی ہے ۔
    (بحوالہ :کتاب :مینارہ نو ر صفحہ نمبر35)
    عقیدہ :انبیاءکرام علیہم السلام دیدار الہٰی کو تر ستے ہیں اور یہ (اولیاءاُمّت )دیدار میں رہتے ہیں ولی نبی کا نعم البدل ہے ۔(معاذاللہ )(بحوالہ :کتاب :مینارہ نو ر صفحہ نمبر39)
    گوہر شاہی اپنی کتاب روحانی سفر کے صفحہ نمبر 49تا50پر رقم طراز ہے ۔
    عبارت :اتنے میں اس نے سگریٹ سلگایا اور چرس کی بو اطراف میں پھیل گئی اور مجھے اس نفرت ہونے لگی ۔رات کو الہا می صورت پیدا ہوئی یہ شخص (یعنی چرسی )ان ہزاروں عابدوں ،زاہدوں اور عالموں سے بہتر ہے جو ہر نشے سے پر ہیز کر کے عبادت میں ہوشیار ہیں لیکن بخل ،حسد اور تکبّر انکا شعار ہے اور (چرس کا )نشہ اسکی عبادت ہے ۔
    (معاذ اللہ !بالکل ہی واضح طور پر نشہ کو صرف حلا ل ہی نہیں بلکہ عبادت ٹہرایا جا رہا ہے ۔)
    ریاض گوہر شاہی کے نزدیک نماز اور درود شریف کی
    کوئی خاص اہمیت معلوم نہیں ہوتی
    جیسا کہ روحانی سفر ص 3پر اپنے بارے میں لکھتا ہے ۔
    عبارت :اب گو لڑہ شریف صاحبزادہ معین الدین صاحب سے بیعت ہوا انہوں نے نمازکیساتھ ایک تسبیح درود شریف کی بتائی ۔میں نے کہا اس سے کیا ہوتا ہے کوئی ایسی عبادت ہو جو میں ہر وقت کر سکوں (یعنی (معاذاللہ )نماز اور درود شریف سے کچھ فائدہ نہیں ہوتا )۔
    گوہر شاہی نے جو روحانی منازل طے کئے ہیں ان میں عورتوں کا بھی بہت زیادہ دخل ہے ۔نہ شرم ،نہ حیا ۔ا سکے روحانی سفر میں ایک مستانی کا خصو صیت کیساتھ دخل ہے ۔
    عبارت :میں دن کو کبھی کبھی اس عورت کے پاس چلا جاتا وہ بھی عجیب و غریب فقر کے قصّے سناتی اور کبھی کھانا بھی کھلا دیتی ۔(بحوالہ :روحانی سفر ص 34) عبارت :کہنے لگی آج رات کیسے آگئے ۔میں نے کہا پتہ نہیں اس نے سمجھا شاید آج کی اداو ¿ں سے مجھ پر قربان ہوگیا ہے اور میرے قریب ہو کر لیٹ گئی اور پھر سینے سے چمٹ گئی ۔(بحوالہ :کتاب : روحانی سفر ص 32)
    کیا اس سے زیادہ دلیری کیساتھ کوئی دشمن اسلام دینِ متین کے چہرے کو مسخ کر سکتا ہے ۔کیا شریعت مطہرہ کی تنقیص کے لئے اس سے بھی زیادہ شرمناک پیرا یہ استعمال کیا جاسکتا ہے ۔کیا اپنے مذہب ،اپنے دین ،اپنے عقائد کا اسطرح سے خون کرنے والا یہ شخص مذہبی رہنما ہوسکتا ہے ؟
    آج کل گوہر شاہی کے چیلوں نے ”مہدی فاؤنڈیشن “ کے نام سے کام کرنا شروع کردیا ہے یہ جماعت دوبارہ سرگرم ہورہی ہے اس کے کارکنان دنیا بھر میں ای میل اورخطوط کے ذریعہ خباثتیں پھیلارہے ہیں اس طرح گوہر شاہی کی فتنہ انگیز جماعت دوبارہ سرگرم ہوگئی ہے ۔
    مسلمانوں کو اس فتنے سے بچنا چاہیے ۔
    اس کے متنازعہ بیان دیکھیے ،
    متنازع بیانات

    گوھرشاہی کے متنازع بیانات (جن کو مسلم علماء دین نے کفرانہ بیانات کی نظر سے دیکھا ہے اور ان بیانات کی بنیاد پر فتوے بھی جاری کیۓ ہیں) اور مسلمانوں کے عمومی اتفاق راۓ سے مخالف کی گئی باتیں گوھرشاہی کے لئے وجہ ءشہرت بن گئیں کیونکہ عام علماءکی جانب سے اِ ن کی شدت کے ساتھ مخالفت کی گئی۔اگر تمام علماءکی جانب سے گوھرشاہی کی مخالفت کا جائزہ لیاجائے تومندرجہ ذیل وجوہا ت نمایاںہیں:

    1. گوھر شاہی کی حضرت عیسی علیہ السلام سے امریکہ میں ملاقات۔
    2. گوھرشاہی کے معتقدین کی جانب سے چاند ،سورج اور حجر اسود میں گوھرشاہی کی شبیہات کا انکشاف۔
    3. اللہ کی پہچان اوررسائی کے لئے روحانیت سیکھوخواہ تمہاراتعلق کسی بھی مذہب یا فرقے سے ہو۔
    4. جب محبت اللہ کی دل میں آجاۓ تو اگر مذہب میں نہ بھی ہوا تو بخشا جاۓ گا اللہ کی محبت ہی کافی ہے۔ (ماہنامہ روشن کراچی جولائی 1997ء ص 9)---
    # گوھرشاہی کے تمام مرید گوھرشاہی کے انتقال کو گوھرشاہی کی موت تسلیم نہیں کرتے بلکہ یہ یقین رکھتے ہیں کہ گوھرشاہی جسم سمیت روپوش ہوگئے، یعنی حضرت عیسی علیہ السلام کی طرح گوھرشاہی بھی اپنا جسم چھوڑکرغیبت ِ صغر ٰی میں چلے گئے ہیں اور قیامت سے پہلے حضرت عیسی علیہ السلام کے ساتھ گوھرشاہی دوبارہ آئینگے۔
    5. علماء نے ریاض کے بارے میں یہ بھی کہا کہ ریاض نے نبی ہونے یا امام مہدی ہونے کا دعو ٰی کردیا تاہم گوھرشاہی نے اسکی نفی ان الفاظ میں کی "میں نے کھبی یہ نہیں کہا کہ میں امام مہدی ہوں ، ہاں میں نے نشانیاں ضرور بتائی ہیں اب یہ تو لوگوں کی سمجھ ہے ، ان سے پوچھیں کہ انکو کیا نشانیاں نظر آئیں"۔


    اس نے درج ذیل کتابیں تحریر کی ہیں ،
    گوھرشاہی نے کئی کتابیں تصنیف کیں جن میں صوفی شاعری پر مشتمل ”تریاق ِ قلب“ بھی شامل ہے۔ گوھرشاہی کی تصنیف کردہ کُتب درج ذیل ہیں،

    1. مینارہ ءنور
    2. روشناس
    3. تحفۃ المجالس
    4. روحانی سفر
    5. تریا ق ِ قلب
    6. دین ِ الٰہی

    مندرجہ بالا کتب میں دین ِ الٰہی گوھرشاہی کی آخری تصنیف ہے اورگوھرشاہی کے معتقدین کے نزدیک نہایت اہمیت کی حامل ہے
    مزید تفصیل یہاں دیکھی جا سکتی ہے ،
    http://en.wikipedia.org/wiki/Messiah_Foundation_International
    اگلی قسط اسی جگہ ، اسی فرقے کے بانی کے حالات اور زندگی پر لکھی جائے گی ،
    میری آپ دوستوں سے التماس ہے ،کہ ہر ایسے فتنے کا ایک سیکشن بنا دیا جائے اور اس میں ان کے بارے ساری معلومات جمع کر دی جائیں ، نہ کہ الگ الگ مضامین ، تاکہ تسلسل قائم رہے .
    اس سلسلے کا اگلا مضمون یہیں ملاحظہ فرمائیے
  2. قاسمی

    قاسمی خوش آمدید مہمان گرامی

    RE: اسلام کے نام پر مختلف فتنے اور ان کا تدارک

    عالی مرتبت!
    ہم اپنی جانب اور الغزالی فیملی کی طرف سے آپ کے بیحد مشکور وممنوںن ہیں۔
    خدا را اب تک اس فرقے کی ہوا تک نہ لگی تھی۔التماس ہے زیادہ سے زیادہ اس گمراہی کے دیوتا اور اسکی ذریت کے متعلق معلومات شئیر کریں۔
    والسلام
  3. بے باک

    بے باک وفقہ اللہ رکن

    پیغامات:
    169
    موصول پسندیدگیاں:
    1
    صنف:
    Male
    جگہ:
    Afghanistan
    RE: اسلام کے نام پر مختلف فتنے اور ان کا تدارک

    ریاض گوہرشاہی لعنتی کا کلمہ خود سن لیں ، یوٹیوب کا لنک دیکھیں
    یوٹیوب کا لنک مشاھدہ کریں :
    یوٹیوب پر گوہر شاہی کا کلمہ دیکھیے،، سرخ رنگ کی لکھائی کو کلک کریں ،اور ان کا کلمہ سنیں ،
    یہ بھی دیکھیں ،
    [video=youtube]http://www.youtube.com/watch?v=qWFe0wjceMM&NR=1[/video]
    http://www.youtube.com/watch?v=6eIKeP3JsV8
    http://www.youtube.com/watch?v=X9DDeK560QY&feature=related
    یہ اپنے آپ کو مہدی ، رسول اور لارڈ کہتا ہے ، لاالہ الا ریاض ،،کو خود سنیے نعوذ باللہ ۔
    http://www.youtube.com/watch?v=B0bU7vVNnrQ&feature=related

    ایک نئی دریافت بھی دیکھیے کہ شولنگ میں بھی ان کی تشبیہ نظر آئی ، اور شولنگ کے بارے آپ جانتے ہیں کہ ھندواسے دیوتا مانتے ہیں ، حجر اسود ، چاند ، سورج ہر جگہ گوھر شاہی کی تشبیہہ موجود ہے ، یہ دور حاضر کا مسیح اور مہدی ہے ،
    [​IMG]

    آئیے ان کی کتابوں کے اقتبا س آپ کو دکھاتے ہیں ،
    اوپر دی گئی کتب کا نام آپ نے پڑھے ،

    مولانا مفتی نظام الدین شامزئی رحمۃ اللہ علیہ کیا فرماتے ہیں
    ، کتاب کا نام ہے “ فتنہ دورِ جدید کا مسیلمہ کذاب گوہر شاہی “

    http://rahesunnat.files.wordpress.com/2008/10/fitna-e-gohar-shahi.pdf

    جو ان کی کتابوں سے حوالے لیے گئے ہیں وہ کتابیں آپ اس ویب سائیٹ سے خود مطالعہ کریں ،
    http://alikhizar.4t.com/custom.html
    یہ گوہر شاہی کی سرکاری ویب ہے
    http://www.gohar-shahi.com/jesus.htm
    ۔۔۔۔۔۔۔۔۔۔۔۔۔۔۔۔
    یہاں سے “دین الہی“ نامی کتاب خود اتاریئے اور مطالعہ کریں ۔

    http://www.gohar-shahi.com/book/Deen-E-Ellahi.pdf
    ۔۔۔۔۔۔۔۔۔۔۔۔۔۔۔۔۔۔۔۔۔۔۔
    مینارہ نور“ یہاں سے ڈاون کریں ،
    http://www.gohar-shahi.com/book/Meenara-E-noor.pdf
    ۔۔۔۔۔۔۔۔۔۔۔۔۔۔۔
    تریاق القلوب“
    یہاں سے ڈاؤن لوڈ کریں ،
    http://www.gohar-shahi.com/book/Taryak-e-Qalb.pdf
    ۔۔۔۔۔۔۔۔۔۔۔۔۔۔۔۔۔۔۔
    روشناس “ یہاں سے ڈاون لوڈ کریں
    http://www.gohar-shahi.com/book/Rooshnas.pdf
    ۔۔۔۔۔۔۔۔۔۔۔۔
    تحفہ المجالس “ یہاں سے ڈاؤن لوڈ کریں،
    http://www.gohar-shahi.com/book/Tofatul_Majalis.pdf

    عقائد ِگوہر شاہی اور اس کے معتقدین کے ساتھ نکاح کا حکم

    مولوی شاہ فیصل برکی
    عقائد ِگوہر شاہی
    اور اس کے معتقدین کے ساتھ نکاح کا حکم!

    (مندرجہ ذیل اقتباس جامعہ علوم اسلامیہ کی ویب سائٹ سے لیا گیا ہے) ۔یہاں “۔القلم“ فورم سے نقل کیا گیا،
    کیا فرماتے ہیں علمائے دین اس مسئلہ کے بارے میں کہ:
    میری صاحبزادی کا جو رشتہ آیا ہے وہ ہمارے رشتے دار ہیں‘ لیکن ہمارے علم میں یہ بات آئی ہے کہ دین الٰہی یعنی گوہر شاہی کا جو مذہب ہے اس سے اس کا تعلق ہے‘ آپ سے گزارش ہے کہ آپ قرآن وسنت کی روشنی میں بتائیں کا ان سے رشتہ کرنا کیسا ہے؟ جبکہ ہم لوگ اہل سنت والجماعت سے منسلک ہیں‘ آپ کے جواب سے ہماری رہنمائی ہوجائے گی۔
    المستفتیہ ایک خاتون

    الجواب باسمہ تعالیٰ
    واضح رہے کہ انجمن سرفروشان اسلام کے بانی ریاض احمد گوہر شاہی دین اسلام کے خلاف دشمنانِ اسلام کی جد وجہد کے سلسلے کی ایک ایسی ہی کڑی ہے جس طرح کہ مسیلمہ کذاب یا اس راہِ ضلالت میں اس کے دیگر ہمسفر تھے۔ اس لئے آج کہنے والا اپنے کہنے میں حق بجانب ہے اور عین حقیقت ہے کہ گوہر شاہی کی جد وجہد بھی غلام احمد قادیانی کی جد وجہد کا تسلسل ہے۔ گوہر شاہی نے تصوف وسلوک کا لبادہ اوڑھ کر سادہ لوح مسلمانوں کو گمراہ کرنے میں کوئی کسر نہیں چھوڑی‘ اس نے اپنی ناپاک زہریلی تعلیمات کے ذریعے اپنے آپ کو نبوت اور الوہیت کے درمیان ثابت کرنے کی کوشش کی‘ دنیا میں ظہور پذیر ہونے والے خود ساختہ جھوٹے نبیوں میں سے ہرایک نے اپنے مشن کو کرہٴ ارض تک ہی محدود رکھا‘ لیکن گوہرشاہی کا ایک امتیاز یہ بھی ہے کہ اس نے اپنی تعلیمات کو فروغ دینے کے لئے صرف زمین پر ہی نہیں‘ بلکہ فضاء میں بھی حقائق ساختگی کی جھوٹی اور ناکام کوشش کی‘ اس نے اس سلسلے میں چاند کو بھی معاف نہیں کیا اور بے دریغ سیاہی استعمال کرتے ہوئے در ودیواروں پر بھی کھلے عام یہ لکھوانے سے نہ شرمایا کہ:” چاند میں جس کی صورت آئی‘ گوہر شاہی ‘ گوہر شاہی“ گوہرشاہی بالکل اسلام کے شجرہ طیبہ کی جڑوں کے لئے کسی زہریلے کیڑے سے کم نہیں تھا‘ اس نے مغربی سرمایہ اور سپوٹ کے ذریعے اپنے باطل عقائد کو امت مسلمہ کے درمیان پھیلانے شروع کردئے‘ اللہ جزائے خیر دے علمائے دین کو‘ جنہوں نے بروقت ہی اس ناسور اورفتنے کا تعاقب کیا۔
    ذیل میں گوہرشاہی کے عقائد میں سے چند عقائد پیش کئے جاتے ہیں جن کو معمولی عقل کا مالک بھی پڑھ کر اور پھر گوہرشاہی کو اس ترازو پہ رکھ کر اس کے کفر اور اسلام کے بارے میں فیصلہ کرسکتا ہے‘ چنانچہ ملاحظہ ہو:
    ۱:․․․گوہرشاہی کے نزدیک اللہ تعالیٰ شہ رگ کے پاس ہوتے ہوئے بھی (نعوذ باللہ) انسانوں کے اعمال سے لاعلم ہیں‘ چنانچہ گوہر شاہی اس عقیدے کا اظہار اپنے ملحدانہ کلام میں کچھ یوں کرتاہے:
    قریب ہے شہ رگ کے اسے کچھ پتہ نہیں
    بے راز ہوئے محمد کاش تونے پایا وہ راستہ نہیں
    (بحوالہ تریاق قلب ص:۱۸)
    ۲:․․․جب گوہرشاہی خدا کو لاعلم کہہ سکتا ہے تو ایسے ملعون کے لئے اللہ تعالیٰ کی کتاب قرآن مجید میں تحریف کرنا بھی کوئی مشکل نہ ہوگا چنانچہ وہ کہتا ہے کہ:
    ”قرآن مجید میں بار بار آیا ہے کہ ”دع نفسک وتعال“ ترجمہ: ”نفس کو چھوڑ اور چلا آ“ (بحوالہ مینارہ نور طبع اول ۱۴۰۲ھ) حالانکہ قرآن کریم میں کہیں یہ الفاظ موجود نہیں “۔
    ۳:․․․․ جب وہ ایسی جھوٹی آیات اپنی طرف سے گھڑے گا تو اس سے کوئی حوالہ بھی طلب کرے گا‘ چنانچہ اس نے پہلے سے ہی اس کا بندو بست کردیا اور کہہ دیا کہ:
    قرآن کے صرف ۳۰ پارے نہیں‘ بلکہ کل ۴۰ پارے ہیں چنانچہ وہ لکھتا ہے کہ:
    ”یہ موجودہ قرآن پاک عوام الناس کے لئے ہے جس طرح ایک علم عوام کے لئے ہے جبکہ دوسرا علم خواص کے لئے ہے جو سینہ بسینہ عطاء ہوا اسی طرح قرآن پاک کے دس پارے اور ہیں․․․ الخ (بحوالہ حق کی آواز ص:۵۲)
    ۴:․․․ گوہرشاہی مخلوق کو خدا کے ذکر سے پھیر کر اپنے ذکر میں لگانے کے لئے کہتا ہے کہ:
    ” یہ قرآن مجید فرماتا ہے کہ اٹھتے بیٹھتے لیٹتے میرا ذکر کرو وہ پارے (یعنی وہ مزید دس پارے جو موجودہ قرآن کے علاوہ ہیں گوہرشاہی کے ہاں) کہتے ہیں کہ اپنا وقت ضائع نہ کرو‘ اسی کو دیکھ لینا اس کی یاد آئے تو․․․ (بحوالیہ آڈیوکسیٹ خصوصی خطاب نشتر پارک کراچی)“۔
    ۵:․․․ موجودہ قرآن مجید نے شراب کو حرام قرار دیا ‘ لیکن شاید کہ گوہرشاہی کو اپنے خصوصی ان دس پاروں میں جو صرف اس پر (شیطان کی طرف سے) نازل ہوئے ہیں۔ شراب کو حلال قرار دیا گیاہے‘ چنانچہ وہ لکھتا ہے کہ حضرت ابوہریرہ  کے اس قول کی کہ مجھے حضور ا سے دو علم عطاء ہوئے ایک تم کو بتا دیا‘ دوسرا بتادوں تو تم مجھے قتل کردو‘ اس کی تشریح میں گوہر شاہی لکھتا ہے کہ:
    ” وہ دوسرا علم یہ ہے کہ شراب پیو‘ جہنم میں نہیں جاؤگے اور بغیر کلمہ پڑھے اللہ تک رسائی حاصل ہوسکتی ہے“۔ (بحوالہ یاد گار لمحات ص:۹-۱۰)
    ۶:․․․ گوہرشاہی کو زمین پرتو آرام آیا نہیں‘ اس لئے اس کے نفس نے فضاء میں بھی پرواز کی وہ چاند ‘ سورج اور حجر اسود پر اپنی شبیہ کے متعلق لکھتاہے کہ:
    ” چاند سورج اور حجر اسود پر شبیہ اللہ کی نشانیاں ہیں‘ یہ من جانب اللہ ہے اور ان کو جھٹلانا گویا کہ اللہ کی بات سے نفی ہے“۔ (بحوالہ حق کی آواز ص:۲۶)
    ۷:․․․ دنیا کا اصول ہے کہ اپنے محسن کی مدح اور تعریف کی جاتی ہے‘ چونکہ گوہرشاہی بھی اس اصول سے مجبور ہوکر شیطان کی مدح سرائی کرتا ہے تاکہ اس کی طرف سے شیطان کے حق میں کمال ناسپاسی نہ ہو‘ چنانچہ وہ کہتاہے کہ:
    ” شیطان کی ایک خوبی یہ ہے کہ وہ لوگوں کو گناہ میں لگاتاہے‘ لیکن خود کبھی شامل نہیں ہوتا․․․ الخ۔ (بحوالہ یادگار لمحات ص:۴)
    ۸:․․․ جو شخص ہدایت من جانب اللہ سے محروم ہو اور اس کی ہدایت میں کلام خداوندی یعنی قرآن مجید اور فرامین رسول ا یعنی احادیث مبارکہ کارگر نہ ہو اور وہ ان سے ہدایت نہ لے سکے تو آخر وہ کہاں جائے گا؟ اس سوال کا جواب اگر گوہرشاہی خود دے تو زیادہ مناسب ہوگا کہ اس کا ہادی نہ خدا ہے اور نہ اس کے رسول ا کی تعلیمات‘ چنانچہ وہ خود لکھتا ہے کہ:
    ” ایک دن پتھریلی جگہ پیشاب کرہا تھا پیشاب کا پانی پتھروں پر جمع ہوگیا اور ویساہی سایہ مجھے پیشاب کے پانی میں ہنستا ہوا نظر آیا جس سایہ سے مجھے ہدایت ملی تھی“۔ (بحوالہ روحانی سفر ص:۲)
    ۹:․․․ پوری امت مسلمہ کے ہاں زکوٰة ڈھائی پر سینٹ ہے‘ لیکن گوہرشاہی مال وزر کی محبت میں اس قدر آگے بڑھا کہ اس نے اپنے مرید وں پر مزید پچانوے پرسینٹ زکوٰة عائد کردی اور مجموعی طور پر اس کے ہاں زکوٰة ساڑھے ستانوے پرسینٹ ہوگئی وہ کہتا ہے کہ یہ (موجودہ) قرآن کہتاہے کہ:
    ” زکوٰة دے ڈھائی پرسینٹ زکوٰة دے وہ یعنی وہ مزید دی پارے جن کا معتقد گوہرشاہی خود ہے کہتا ہے کہ ڈھائی پرسینٹ اپنے پاس رکھ‘ ساڑھے ستانوے پرسینٹ زکوٰة دے“۔ (بحوالہ آڈیوکسیٹ خصوصی خطاب نشتر پارک کراچی)
    ۱۰:․․․گوہرشاہی کو خطرہ ہے کہ اگر اس کا کوئی مرید حج پر چلاجائے اور حجر اسود پر اس کی تصویر نہ دیکھے تو اس کا جھوٹ کھل جائے گا ا سلئے وہ کہتا ہے کہ تم کعبہ کی طرف نہ جاؤ‘ بلکہ کعبہ تمہاری طرف آئے چنانچہ وہ کہتاہے کہ:
    ” اس کعبہ کو ابراہیم علیہ السلام نے گارے اور مٹی سے بنایاہے تجھے تو اللہ کے نور سے بنایا گیا ہے تو اس کعبہ کی طرف کیوں جاتاہے وہ کعبہ تیری طرف آئے نا“۔ (بحوالہ مذکورہ) یہ تمام حوالے دور جدید کا مسیلمہ کذاب گوہرشاہی نامی کتاب میں موجود ہیں ”تلک عشرة کاملة“
    یہ گوہرشاہی کے سینکڑوں ہزاروں گمراہ کن اور ملحدانہ وزندقانہ عقائد میں سے چند عقیدے تھے جن کو دیکھ کر معمولی شعور کا مالک بھی گوہرشاہی کے کفر اور اسلام کا فیصلہ کرسکتاہے‘ یہی وجہ ہے کہ ان جیسے عقائد کی بناء پر گوہرشاہی کو مقتدر علمائے کرام اور مفتیان عظام نے دائرہ اسلام سے خارج ملحد اور زندیق قرار دیا ہے‘ اس بارے میں آج سے کافی عرصہ پہلے بھی دار الافتاء ختم نبوت‘ دار الافتاء جامعہ علوم اسلامیہ علامہ بنوری ٹاؤن کراچی ‘ دار الافتاء دارالعلوم کراچی ‘ دار الافتاء جامعہ فاروقیہ کراچی اور دیگر مستند اداروں سے فتوے صادر ہوچکے ہیں‘ لہذا انجمن سرفروشان اسلام کا بانی ریاض احمد گوہرشاہی اور اس کی جماعت کے متعلقین جو گوہرشاہی کے مذہب پر عمل پیرا ہیں‘ وہ دائرہ اسلام سے خارج ہیں اور ان میں سے کسی کے ساتھ مسلمان مرد اور عورت کا نکاح جائز نہیں ہے‘ چنانچہ قرآن مجید میں ارشادی باری تعالیٰ ہے :
    ۱:․․․”ومن یبتغ غیر الاسلام دینا فلن یقبل منہ“ (آل عمران:۸۵)
    ۲:․․․․”فحبطت اعمالہم فی الدنیا والآخرة“۔ (آل عمران:۲۲)
    ۳:․․․”فحبطت اعمالہم فلانقیم لہم یوم القیامة وزناً“۔(کہف:۱۰۵)
    اور نبراس جوکہ شرح عقائد کی شرح ہے‘ اس میں ہے :
    ”ورد النصوص بان ینکر الاحکام التی دلت علیہا النصوص القطعیة الی غیر المحتملة للتاویل من الکتاب والسنة ای الحد التواتر․․․ کفر لکونہ تکذیبا صریحاً للہ ولرسولہ․․․ (نبراس ص:۵۶۶)
    اور فتاویٰ شامی میں ہے:
    ”․․․فہو کافر لمخالفة القواطع المعلومة من الدین بالضرورة“ (فتاویٰ شامی ۳/۴۶)
    گوہرشاہی اور اس کے متعقدین کے ساتھ نکاح ناجائز ہونے کے بارے میں فتاویٰ شامی میں ہے کہ:
    ”قال فی التنویر وشرحہ وحرم نکاح الوثنیة بالاجماع قال العلامة الشامی تحت قولہ وحرم نکاح الوثنیة ․․․ وفی الفتح ویدخل فی عبدة الاوثان عبدة الشمس والنجوم والصورة التی استحسنوا والمعطلة والزنادقة․․․ وفی شرح الوجیز وکل مذہب یکفر بہ معتقدہ ․․․ (فتاویٰ شامی ۳/۴۵)
    فتاویٰ عالمگیری میں ہے :
    ”ولایجوز نکاح المجوسیات والوثنیات الی قولہ وکل مذہب یکفر بہ معتقدہ کذا فی فتح القدیر“۔ (فتاویٰ ہندیہ ۱/۲۸۱)
    اور بحر الرائق میں ہے:
    ”وکل مذہب یکفر بہ معتقدہ فہو یحرم النکاح“۔ (البحر الرائق ۳/۱۰۲)
    لہذا صورت مسئولہ میں مذکورہ شخص کے ساتھ کسی مسلمان لڑکی کا نکاح جائز نہیں ہے‘ اس سے اجتناب ضروری ہے۔
    الجواب صحیح الجواب صحیح
    محمد عبد المجید دین پوری محمد شفیق عارف
    کتبہ
    شاہ فیصل برکی
    متخصص فی الفقہ الاسلامی
    جامعہ علوم اسلامیہ
    علامہ بنوری ٹاوٴن کراچی
    ۔۔۔۔۔۔۔۔۔۔۔۔۔۔
    القلم فورم پر محترم راجہ صاحب نے بھی کافی کچھ اس بارے لکھا ھے ۔ آپ خود دیکھیے
    http://www.alqlm.org/forum/showthread.php?5524/page4
  4. بے باک

    بے باک وفقہ اللہ رکن

    پیغامات:
    169
    موصول پسندیدگیاں:
    1
    صنف:
    Male
    جگہ:
    Afghanistan
    RE: اسلام کے نام پر مختلف فتنے اور ان کا تدارک

    یہاں ان کی اپنی ویب سائٹ سے اپنے شعور اور عقل سے مشاھدہ کریں ، یہ کیا چیز ہیں اور ہم کو کہاں کہاں گمراہ کر رہے ہیں ،
    [​IMG]
    http://www.goharshahi.com/urdu/index.htm
    http://www.gohar-shahi.com/
  5. تانیہ

    تانیہ وفقہ اللہ رکن

    پیغامات:
    346
    موصول پسندیدگیاں:
    0
    صنف:
    Female
    جگہ:
    Pakistan
    RE: اسلام کے نام پر مختلف فتنے اور ان کا تدارک

    بےباک جی بہت زبردست اور مفید شیئرنگ ہے سچ میں یہ سب کچھ مجھے ابھی علم ہو رہا ہے ورنہ پہلے ایسا کچھ نہیں پتہ تھا امید ہے آپ یہ سلسہ جاری رکھیں گے۔۔۔جزاک اللہ
  6. قاسمی

    قاسمی خوش آمدید مہمان گرامی

    RE: اسلام کے نام پر مختلف فتنے اور ان کا تدارک

    [اس فورم کے ہر دل عزیز رکن اور ہمارے مشفق عالی مرتبت جناب بے باک صاحب مد ظلہ العالی
    تم جدھر بھی جاتے ہو پھول کھلنے لگتے ہیں
    وقت نے تمہیں کتنا خوش قدم بنایا ہے
    اس مفید مراسلہ پر شکریہ
    سچی بات یہ ہے کہ ہمارے وہم وگمان میں بھی نہ تھا کہ اس طرح شیطانی خیالات کا حامل کو ئی فرقہ بھی موجود ہے۔جو تفصیل آپ نے فراہم کی ہے ۔‘‘اللہ میری توبہ ‘‘اس سے زیادہ شائد کسی نے شعائر اسلام کی توہین کی ہو ۔ اللہ اور اس کے رسول صلی اللہ علیہ وسلم کا استھزاء کیا ہو ، شیطان کے پجاریوں کی وکالت کی ہے ۔جہاں پر اشرار کی سوچ ختم ہو تی ہوگی اس فرقہ کے بانی نے وہاں سے ابتدا کی ہے۔
    ضرورت ہے مسلم امہ بالخصوس علماء،صلحاء۔ائمہ اور داعیان دین کو اس فرقہ کے متعلق زیادہ سے انھیں کی کتب کے حوالہ سے تفصیل فراہم کی جائے۔آنمحترم ہمیں امید ہے یہ سعادت اللہ تبارک تعالیٰ نے آپ کے لئےتجویزکر دی ہے ۔الغزالی ان شاءاللہ تعاقب فرقہ ضآل میں آپ کے ساتھ رہے گا۔ مزید تفصیل عنایت کیجئے۔
    اللہ تعالیٰ آپ کو اور تمام اہل وعیال کو ہر قسم کے شرور وفتن سے محفوظ ومامون رکھے۔ والسلام]
  7. بے باک

    بے باک وفقہ اللہ رکن

    پیغامات:
    169
    موصول پسندیدگیاں:
    1
    صنف:
    Male
    جگہ:
    Afghanistan
    حجر اسود کے بارے اس شخص کے بیانات ملاحظہ فرمائیے ،
    یہ لنک ضرور دیکھیے ۔وہ حجر اسود پر کون کون سی شبیہات کا ذکر کر رہا ہے
    1: اس لنک میں وہ حضرت محمد رسول اللہ کے ساتھ جو عکس نظر آ رہا ہے وہ اس شخص ملعون ریاض گوہرشاہی کا ہے ،
    2:ککلی اوتار ایک گھوڑے پر بیٹھا ہے اور وہ ریاض گوہر شاہی ہے ،
    3:ککلی اوتار کے بالکل مخالف طرف درگا ماں کا عکس نظر آتا ہے ،
    4:حضرت عیسی علیہ السلام اور مریم علیہا السلام کی تصاویر حجر اسود پر ظاھر ہو چکی ہیں ،
    5:اب جب یہ تصاویر حجر اسود پر ظاھر ہو چکی ہیں ،تو اس وجہ سے مسلمان انتہائی پریشان ہو گئے ہیں ، جب کہ ھندوؤں اور عیسائیوں میں خوشی کی لہر دوڑ گئی ہے ،

    ۔۔۔۔۔۔۔۔۔۔۔۔۔۔۔۔۔۔۔۔۔۔
    اس لنک کو دیکھیے ،
    http://www.gohar-shahi.com/Black-Stone.htm

    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    ان کے جھوٹ ایسے ہیں کہ جس کی کوئی مثال روئے زمین پر نہیں ملتی ، یہ آپ کو دھوکہ نہیں دے رہے یہ اللہ تعالی کے نام استعمال کر کے دھوکہ دینے والا گروہ ہے ، اور ان کے سب بہتان اللہ تعالی کی ذات بابرکات پر ہیں ، اور آپ سب جانتے ہیں کہ اللہ تعالی کی ذات ایسے لوگوں کو خود سزا دے گی ،انشاءاللہ یہ گروہ اپنی سب تعلیمات اور پیروکاروں سمیت جہنم رسید ہو گا۔
  8. اویسی

    اویسی وفقہ اللہ رکن

    پیغامات:
    6
    موصول پسندیدگیاں:
    0
    اسلام علیکم!
    میری معلومات کے مطابق پہلے پہل اس شخص گوہر شاہی یا گوبر شاہی نے ولی ہونے کا دعوٰی کیا۔ مختلف لوگوں اپنی نام نہاد روحانی محافل میں زیارت آقاص کروانے کا دعویٰ بھی کرتا ہے۔ اس نے مختلف مساجد میں بیانات بھی کیے۔ جنکی ویڈیوز یوٹیوب پر موجود ہیں۔ مگر کچھ ہی عرصہ کے بعد اس نے عجیب وغریب دعوے شروع کر دیے۔ جن کا ذکر محترم “ بے باک“ بھائی پہلے ہی کر چکے ہیں۔ یہ شخص بہت ہی شاطر تھا اپنے مریدوں کے سامنے کوئی دعویٰ کرتا تھا مثلا “میں امام مہدی ہوں“ جب یہ بات علماء اکرام تک پہنچتی تھی تو یہ مکر جاتا ہے کہ میں تو کوئی ایسا دعوٰی نہیں کیا ہے۔ اپنی زندگی کے آخری ایام میں یہ شخص امریکہ چلاگیا اور وہاں جاکر کلیساواں میں عیسائیوں مسلمانوں جسی مکس عبادات کرتا اور اپنے مریدوں کوئی کرواتا رہا۔ تمام مذاہب اور انکی عبادات کو برحق کہتا تھا۔ اسکی نام نہاد روحانی محافل میں تمام ہذاہب لوگ اپنے اپنے عیقدہ کے مطابق مراقبہ وغیر کرتے تھے۔
    میں نے اسکی ایک کتاب میں اسکا ایک عجیب و غریب دعویٰ بھی پڑھا ہے۔ کہتا ہے کہ“ اپنا آدم پہچانو“ اس دنیا میں ایک سے زیادہ زیادہ آدم اللہ تعالیٰ کی طرف سے بھیجے گئے مثلا ایک آدم عرب کی طرف بھیجا گیا جس کا ذکر قرآن میں موجود ہے۔ مگر اس علاوہ بھی دنیا میں آدم اتارے گئے، انڈیا میں ایک نظریہ پایا جاتا ہے کہ سانپ سو سال بعد آدمی کا روپ دھار لیتا ہے۔ یہ مخلوق ایک ایسا آدم کی اولاد ہے جو کبھی سانپ کا روپ دھارلیتا تھا کبھی انسان کا۔اس نے اس آدم کا نام بھی لکھا تھا۔عجیب سا تھا۔
    پھر کہتا ہے افریقہ والوں کا آدم کوئی اور تھا۔ الغرض اس تمام براعظموں کے لوگوں کے الگ الگ آدم کی موجودی کا عجیب دعویٰ کیا ہے۔ اسی ہندوں کے مختلف عقائد دیوتاوں کو برحق قرار دیا ہے۔
    اس شخص کے مرنے کے بعد اس کے منانے والے دو تین فرقوں میں تقسیم ہوگئے۔ کچھ اس کو صرف ولی مانتے ہین کچھ اسکو نبی منانتے ہیں کچھ کا خیال ہے یہ امام مہدی تھا جو عالم غیبت میں چلا گیا ہے اور واپس آئَے گا۔
    چند سال قبل اسی فرقہ فتنہ گوہر شاہی کے ایک شخص نے امام مہدی ہونے کا دعویٰ کیا۔ اور ساتھ کسی نئے دین ۔ دین یونس کے قیام کا اعلان بھی کر دیا۔یہ شخص پاکستان کے علاقہ فیصل آباد کے قریبی ضلع ٹوبہ ٹیک سنگھ کا رہائشی تھا سعودی عرب سے واپس آکر اس نے اپنے دوستوں کو اکٹھا کیا اور انکے سامنے یہ دعویٰ کیا کہ میں امام مہدی ہوں۔ پھر چند دونوں کے بعد یہ لوگ مسلحہ ہو کر موٹروے پر پہنچ گئے اور کچھ مسافر بسوں کو یرغمال بنا لیا۔ مگر کسی کو ہلاک یا زخمی نہیں کیا۔ موقع پر پولیس پہنچ گئی جب ڈی ایس پی فیصل آباد نے ان سے مذاکرات شروع کئے تو اس نے امام مہدی ہونے اور نئے دین دین یونس کے قیام کا دعویٰ کیا۔ اور کہا کہ مجھے حکم جہاد ہوا ہے وغیرہ وغیرہ۔ پولیس نے علاقے کو مکمل طور پر گھیر لیا جب اس کو اپنی اور اپنے ساتھوں کی موت نظر آنے گی طور اس نے اس شرط پر گرفتاری دیے دی کہ میرا ان کاؤنٹر نہ کیا جائے بلکہ مجھے عدالت میں پیش کیا جائے میں اپنا دعوٰی عدالت میں سچ ثابت کروں گا۔ ہم نے یہ تمام مناظر اسوقت کے واحد پرائیویٹ نیوز چینل جیو ٹی وی پر دیکھے تھے۔
  9. بے باک

    بے باک وفقہ اللہ رکن

    پیغامات:
    169
    موصول پسندیدگیاں:
    1
    صنف:
    Male
    جگہ:
    Afghanistan
    شکریہ اویسی بھائی ، آپ کی بات درست ہے ،اب یونس گوہر شاہی نے ہی اس مشن کو سبنھالا ہوا ہے ، اس کی سوچیں دیکھیں کہتا ہے اصلی گوہرشاہی نے عوام سے پردہ کر لیا، اور وہ وقت آنے پر ظاہر ہوں گے ،یعنی وہ ان کی وفات کو پبلک سے چھپانا چاھتا ہے اور پبلک کو بےوقوف سمجھتے ہیں ، اور ہم سادہ لوح اسے ایک پیر کی کرامت سمجھ لیتے ہیں ، یہ ڈبہ پیر ، کبھی اندر کبھی باھر،
    ۔۔۔۔۔۔۔۔۔۔۔۔۔۔۔۔۔۔
    بس کیا کہوں بھائی ،
  10. abusufiyan

    abusufiyan وفقہ اللہ رکن

    پیغامات:
    52
    موصول پسندیدگیاں:
    11
    صنف:
    Male
    جگہ:
    سرونج،(ایم پی )انڈیا
    السلام علیکم ماشااللہ اللہ آپکو جزاےٴخیردے آپنے ایک نئےفطنےسےروشناس کرایا اللہ تبارک وتعالی تمام امتِ مسلمہ کواِن دجالی فتنوں سے بچائے اورصراط مستقیم پرگامزن رکہے آمین ثم آمین
  11. اسداللہ شاہ

    اسداللہ شاہ وفقہ اللہ رکن

    پیغامات:
    5,317
    موصول پسندیدگیاں:
    48
    صنف:
    Male
    جگہ:
    Pakistan
    جزاک اللہ فی الدارین
  12. آصف رضا

    آصف رضا وفقہ اللہ رکن

    پیغامات:
    48
    موصول پسندیدگیاں:
    1
    صنف:
    Male
    جگہ:
    Pakistan
    انتہائی اہم معلومات دینے کا بے حد شکریہ۔
    کیا ہر پوسٹ پر جزاک اللہ کہنے سے بندہ گناہ گار تو نہ ہو گا؟
  13. اسداللہ شاہ

    اسداللہ شاہ وفقہ اللہ رکن

    پیغامات:
    5,317
    موصول پسندیدگیاں:
    48
    صنف:
    Male
    جگہ:
    Pakistan
    ہم معلومات دینے والے کو اسکے کام پر کہتے ہیں
  14. اعجازالحسینی

    اعجازالحسینی وفقہ اللہ رکن

    پیغامات:
    3,080
    موصول پسندیدگیاں:
    26
    صنف:
    Male
    جگہ:
    Afghanistan
    بہت ہی خوب جناب محترم بت باک صاحب
  15. talibilm

    talibilm وفقہ اللہ رکن

    پیغامات:
    19
    موصول پسندیدگیاں:
    0
    صنف:
    Male
    جگہ:
    Pakistan
    بےباک جی شکریہ مفید پوسٹ کرنے کا اور گوبر شاہی جیسے فتنے کو بے نقاب کرنے کا۔
    اور اویسی بھائی بالکل صحیح کہہ رہے ہے کہ گوبر شاہی نے اپنے آپ کو اما م مہدی ظاہر کرنے کی کوشش کی تھی اور یہ تو اللہ تعالی کی خالص مدد تھی اور ہےکہ علمائے دیوبند کے ساتھ جو اس فتنہ پرور شخص کو عین موقع پر بے نقاب کیا۔۔
    والسلام
    طالبعلم
  16. محمد نبیل خان

    محمد نبیل خان وفقہ اللہ رکن

    پیغامات:
    8,688
    موصول پسندیدگیاں:
    772
    صنف:
    Male
    جگہ:
    Pakistan
    اللہ کریم عقل سلیم عطاء فرمائے اور خاتمہ ایمان پر فرمائے آمین
  17. بے باک

    بے باک وفقہ اللہ رکن

    پیغامات:
    169
    موصول پسندیدگیاں:
    1
    صنف:
    Male
    جگہ:
    Afghanistan
    الر ۔( ال ر ) کے نام سے ان کا ایک ٹی وی بھی نیٹ کی دنیا میں چل رہا ہے ،
    امت مسلمہ کو ہر زمانے میں ہی بے شمار فتنوں کا سامنا کرنا پڑا ہےجن میں کئی نبوت اور امام مہدی ہونے کے دعوے دار اٹھے اور اپنی دنیا و آخرت برباد کرنے کے ساتھ ساتھ بے شمار لوگوں کو بھی گمراہ کر کے چلے گئے۔

    ان میں سے ایک ریاض احمد گوہر شاہی بھی ہے جس نے امام مہدی ہونے کا دعوہ کیا ہے۔ موصوف کی تصویر چاند ستاروں سورج حجرِ اسود اور نہ جانے کہاں کہاں ظاہر ہو چکی ہے اور اسکی وجہ سے موصوف کے پیروکار حضرت امام جعفر صادق کا یہ قول اس پر فٹ کر رہے ہیں کہ “امام مہدی کا چہرہ چاند میں چمکے گا”۔

    اس آدمی کے پیروکاروں کا عقیدہ ہے کہ قیامت کے قریب حضرت عیسیٰ علیہ السلام کے ہمراہ گوہر شاہی ہی بطور امام مہدی ہو گا۔
  18. سیفی خان

    سیفی خان وفقہ اللہ رکن

    پیغامات:
    4,553
    موصول پسندیدگیاں:
    72
    صنف:
    Male
    جگہ:
    Pakistan
    بہترین اور مفید پوسٹ اور گوھر شاہی کو بے نقاب کرنے پر شکریہ
  19. بنت حوا

    بنت حوا فعال رکن وی آئی پی ممبر

    پیغامات:
    4,572
    موصول پسندیدگیاں:
    458
    صنف:
    Female
    جگہ:
    Pakistan
    بہترین اور مفید پوسٹ اور گوھر شاہی کو بے نقاب کرنے پر شکریہ

اس صفحے کو مشتہر کریں