--------ماں--------

'متفرقات' میں موضوعات آغاز کردہ از سارہ خان, ‏اکتوبر 30, 2011۔

  1. سارہ خان

    سارہ خان وفقہ اللہ رکن

    پیغامات:
    1,568
    موصول پسندیدگیاں:
    14
    صنف:
    Female
    جگہ:
    Pakistan
    ماں تمہارے وجود کی گواہ ہے
    تم ماں کے وجود کا ماحصل ہو
    ماں اس زمین کی طرح ہے جو اپنے بطن میں حرارت اور برودت ایک ساتھ چھپائے رکھتی ہے جس سے تخلیق نموپاتی ہے اسی طرح ماں تمہیں اس وقت تک اپنی کوکھ میں چھپائے رکھتی ہے جب تک تمہارا وجود نمو نہیں پا جاتا ماں سرد راتوں میں گرمی کی وہ لہر ہے جو رگوں میں دوڑتے لہو کو گرما کر فرحت بخش دیتی ہے ماں جھلسا دینے والے گرم دن میں نرم ولطیف چھاؤں کی ماند ہے جو رگوں میں دوڑتے سیسہ لہو میں سکون اور لطف وانبساط بھر دیتی ہے یاد رکھو ماں تم پر حق رکھتی ہے اور کامل انسان ماں کی دعاؤں کا وہ ثمر ہے جن کا قرب لوگوں کے دلی سکون کا باعث ہوتا ہے
    -----------محبت کے گیت--------
    ستر ماؤں سے زیادہ محبت کرنے والی ذات اللہ کی ہے ----اللہ کیا ہے-----اللہ محبت ہے----اللہ خوشی ہے --
    اللہ نے کائنات کو قائم رکھنے اور مسرت وشادمانی کو دوام بخشنے کے لیے آدم علیہ اسلام کو تخلیق کیا اور ذیلی تخلیق کی ذمہ داری عورت کے نازک کندھوں پر رکھی عورت کے دل میں اس کے ہر ہر روئیں میں اپنی انڈیل دی جو اللہ کی اپنی صفات ہے خالق کائنات اللہ نے عورت کو تخلیق کا -- .میڈیم بنا کر اس کے اندر تخلیقی صلاحیت کے ساتھ ساتھ ستر میں سے ایک حصہ اپنی محبت منتقل کردی تاکہ عورت ماں بن کر اللہ کی تخلیق کو قائم رکھے اور اس باغ کی آبیاری کرتی رہے جس کو پر بہار دیکھنا اللہ کے لیے سب سے بڑی خوشی ہے
    ---میری بہنو---میری ماؤں--میری بیٹیوں---
    یہ دنیا آپ کے دم سے پر رونق اور آباد ہے آپ کی عظمت اس سے ظاہر ہے کہ نظام تخلیق آپ کے وجود سے پر رونق اور قائم آباد ہے آپ ہر اس ہستی کی تخلیق کا باعث ہیں جس جس نے اللہ کے قانون کو سامنے رکھ کر اس زمین کو غم وآلام سے نجات دلانے کی کوشش کی ہے ان میں عظیم مفکر بھی ہیں
    انبیائے کرام علیہ اسلام اور ان کے دوست اولیاء اللہ بھی ہیں ولادت کی فضیلت و عظمت کا عالم یہ ہے
    کہ ماں کی آغوش راحت میں اللہ کے محبوب خاتم النبین صلی اللہ علیہ وسلم نے تربیت پائی اور وہ ماں ہی ہے جس کے دودھ سے آپ صلی اللہ علیہ وسلم کا شعور پروان چڑھا اور اس شعور سے اللہ کے احکامات
    کو نوع انسانی تک پہچایا یہ کون نہیں جانتا کہ ہر مصلح قوم کے وریدوں میں ماں کا خون دوڑرہا ہے میری
    ماؤ اللہ کی تخلیق میں رنگ بھرنے والی عورتو اب آپ کے اوپر دوہری ذمہ داری آگئی ہے قانون قدرت آپ کو اپنی بادشاہی میں شریک کرنا چاہتا ہے آپ اپنے بچوں کی گھٹی میں یہ بات ڈال دیں کہ دنیا قائم ودائم
    رہنے کے لئے بنی ہے آپ اپنے نونہالوں میں یہ طرزفکر مستحکم کردیں اللہ سراپا محبت ہے اور چاہتا ہے کہ دنیا میں محبت کے گیت گائے جائیں اور نوع انسانی پھر سے منزل کی طرف گامنزن ہو کر اس دنیا کا سراغ پائے گی جو مسرت ہے خوشی ہے انبساط ہے اور محبت بھی یہی ہے
    ---------------ماں کی عظمت-------------
    اباجی مجھے مارتے تھے تو امی بچالیتی تھیں ایک دن میں نے سوچا کہ اگر امی پٹائی کریں گی تو اباجی کیا کریں گے اور یہ دیکھنے کے لیے کہ کیا ہوتا ہے میں نے امی کا کہنا نہ مانا انہوں نے کہا بازار سے دہی لادو میں نہ لایا انہوں نے سالن کم دیا میں نے زیادہ پر اصرار کیا انہوں نے کہا پیڑھی پر بیٹھ کر روٹی کھاؤ میں نے زمین پر دری بچھائی اور اس پر بیٹھ گیا کپڑے بھی میلے کر لیے میرا لہجہ گستانانہ تھا مجھے پوری توقع تھی کہ امی ضرور ماریں گی مگر انہوں نے یہ کیا کہ مجھے سینے سے لگا کر کہا کیوں دلاور پتر--- میں صدقے بیمار تو نہیں ہے تو اس وقت میرے آنسو تھے کہ رکتے ہی نہیں تھے
    اقتباس مٹی کا دریا
  2. أضواء

    أضواء وفقہ اللہ رکن

    پیغامات:
    2,522
    موصول پسندیدگیاں:
    23
    صنف:
    Female
    جگہ:
    Saudi Arabia
    السلام عليكم و رحمة الله و بركاته
    شئیرنگ پر آپ کا شکریہ
  3. اسداللہ شاہ

    اسداللہ شاہ وفقہ اللہ رکن

    پیغامات:
    5,318
    موصول پسندیدگیاں:
    48
    صنف:
    Male
    جگہ:
    Pakistan
    جزاک اللہ فی الدارین
  4. محمد نبیل خان

    محمد نبیل خان وفقہ اللہ رکن

    پیغامات:
    8,688
    موصول پسندیدگیاں:
    772
    صنف:
    Male
    جگہ:
    Pakistan
    اسلام علیکم ام احمد
    اللہ کریم آپ کو جزائے خیر عطا فرمائے آپ کے انتخاب بہت خوبصورت ہیں
  5. محمد نبیل خان

    محمد نبیل خان وفقہ اللہ رکن

    پیغامات:
    8,688
    موصول پسندیدگیاں:
    772
    صنف:
    Male
    جگہ:
    Pakistan
    اسلام علیکم ام احمد

    ماں زندگی ہے مرکز صبر و قرار ہے
    ماں اک چمن ہے جس میں مسلسل بہار ہے
    ماں لطف ہے سکون ہے شفقت ہے پیار ہے
    ماں اک عظیم نعمت پروردگار ہے
  6. ابن آدم

    ابن آدم وفقہ اللہ رکن

    پیغامات:
    9
    موصول پسندیدگیاں:
    0
    صنف:
    Male
    جگہ:
    Pakistan
    [align=center]ماں

    ماں زندگی ہے مرکز صبر و قرار ہے
    ماں ایک چمن ہے جس میں مسلسل بہار ہے
    ماں لطف ہے سکون ہے شفقت ہے پیار ہے
    ماں ایک عظیم نعمتِ پروردگار ہے
    ماں پہلی درسگاہ ہے عقل و شعور کی
    ماں شمع فروزاں ہے محبت کے نور کی
    ماں نظارہ ہے قدرتِ رب جلیل کا
    ماں چشمہ خلوص ہے الفت کی جھیل کا
    ماں کو کوئی کرے گا فراموش کس طرح
    ماں سے رہے جدا تو ہوش کس طرح
    بچہ ہو بوڑھا ہو عور ت ہو یا کہ مرد
    آتی ہے ماں کی یاد تو ہوتا ہے دل میں درد
    ماں ہوا خوشبوؤں کی،ہمدردی کا پھول ہے
    ماں کے بغیر زوبی زندگی فضول ہے
    بشکریہ
    [/align]
  7. مہتاب قدر

    مہتاب قدر وفقہ اللہ رکن

    پیغامات:
    1
    موصول پسندیدگیاں:
    0
    صنف:
    Male
    زمین کو ماں کہنا کیا درست ہے
  8. محمدداؤدالرحمن علی

    محمدداؤدالرحمن علی منتظم۔ أیده الله منتظم رکن افکارِ قاسمی

    پیغامات:
    6,187
    موصول پسندیدگیاں:
    1,672
    صنف:
    Male
    جگہ:
    Pakistan
    سوال
    کیا زمین کو ماں کہنا درست ہے۔؟؟؟؟؟؟
    جواب
    درست ہے مجازا کہ سکتے ہیں
    لقولہ تعالی
    منھا خلقنکم
    وفی مقام آخر
    خلقنکم من تراب
    واللہ اعلم
    احقر خلیق الرحمن

اس صفحے کو مشتہر کریں