نعت محمد ﷺ

'نعت رسول مقبول صلی اللہ علیہ وسلم' میں موضوعات آغاز کردہ از احمدقاسمی, ‏دسمبر 18, 2013۔

  1. احمدقاسمی

    احمدقاسمی منتظم اعلی۔ أیدہ اللہ منتظم اعلی

    پیغامات:
    3,648
    موصول پسندیدگیاں:
    792
    صنف:
    Male
    جگہ:
    India
    نعت محمد ﷺ​


    منطق نہ فلسفہ نہ ہے علم کلام میں
    ساغر نہ ہے صراحی ومینا نہ جام میں
    مستور ہے جہاں کے وہ نقشِ دوام میں
    ڈھونڈو اسے حضور خدا کے کلام میں

    ہے چاشنی ضرور محمدﷺ کے نام میں
    دل کو ملا سرور محمد ﷺ کے نام میں

    رفتار ناز میں نہ کس شہسوار میں
    دریا ودشت میں نہ ملا برگ وبار میں
    گلزار وگلستاں نہ کہیں لالہ زار میں
    ڈھونڈھا بہت ہے ہم نے چمن کی بہار میں

    آنکھوں نے پایا نور محمد ﷺکے نام میں
    دل کو ملا سرور محمد ﷺکے نام میں

    شمس وقمر میں ہے نہ وہ نور سراج میں
    کشکول میں گدا کے نہ شاہوں کے تاج میں
    مجنوں میں ہے نہ تیشہ فر ہاد میں کہیں
    شیریں میں ہے نہ شاہد لیلیٰ مزاج میں

    جلووں کا ہے ظہور محمد ﷺکے نام میں
    دل کو ملا سرورمحمد ﷺکے نام میں

    رنگِ گلاب میں نہ گلِ آفتاب میں
    شہنائیوں میں ہے نہ وہ چنگِ ورباب میں
    طفلِ مزاج طفلِ دبستاں جو تھے کبھی
    ان کو بھی مل گیا ہے رسالت مآب میں

    فکر ونظر شعور محمد ﷺکے نام میں
    دل کو ملا سرورمحمد ﷺکے نام میں

    غنچوں کی ہے چٹک نہ گلوں کی مہک میں ہے
    شاخوں کی وہ لچک نہ پھلوں کی لٹک میں ہے
    اہلِ جنوں تلاش میں نکلے کبھی کبھی
    ایسا لگا کہ جیسے دلوں کی کھٹک میں ہے

    فیضانِ فیضِ نور محمد ﷺکے نام میں
    دل کو ملا سرور محمد ﷺکے نام میں

    زنجیر قید وبند نہ شعلہ زنی کا ہے
    تیغِ زباں کا کام نہ تیر افگنی کا ہے
    گر دابِ معصیت سے سفینہ جو ہر گھڑی
    کرتا ہے ہمکنار وہ اسوہ نبی کا ہے

    نور ہدیٰ ہے نور محمد ﷺکے نام میں
    دل کو ملا سرور محمد ﷺکے نام میں​


    نتیجہ فکر ۔۔۔۔۔۔۔۔۔۔۔۔۔۔۔۔۔۔۔نور الھدیٰ نور قاسمی​
  2. بنت حوا

    بنت حوا فعال رکن وی آئی پی ممبر

    پیغامات:
    4,572
    موصول پسندیدگیاں:
    458
    صنف:
    Female
    جگہ:
    Pakistan
    جزاک اللہ خیرا
  3. محمدداؤدالرحمن علی

    محمدداؤدالرحمن علی منتظم۔ أیده الله Staff Member منتظم رکن افکارِ قاسمی

    پیغامات:
    6,301
    موصول پسندیدگیاں:
    1,708
    صنف:
    Male
    جگہ:
    Pakistan
    جزاک اللہ احسن الجزا

اس صفحے کو مشتہر کریں