وہاں میں کیا کروں رہ کر،وہ میرا گلستاں کیوں ہو

'بزمِ غزل' میں موضوعات آغاز کردہ از مفتی ناصرمظاہری, ‏جنوری 19, 2013۔

  1. مفتی ناصرمظاہری

    مفتی ناصرمظاہری کامیابی توکام سے ہوگی نہ کہ حسن کلام سے ہوگی منتظم اعلی

    پیغامات:
    1,731
    موصول پسندیدگیاں:
    207
    صنف:
    Male
    جگہ:
    India
    حضرات مکرم!
    آپ سبھی حضرات کومعلوم ہوگاکہ مجھے شعروشاعری سے کوئی تعلق نہیں ہے،تعلق کامطلب اشعارکہنے کاکوئی فن نہیں معلوم ہے لیکن کیابتاؤں زندگی میں شعرکہنے کی چاربارغلطیاں کرچکاہوں،تولیجئے سب سے پہلی غلطی پیش قارئین باتمکین ہے،نہ تودادکی خواہش ہے نہ ہی امید،کیونکہ تک بندی پرکیادادمل سکتی ہے۔
    مرے جذب ِ وفا کا سنگ دل یوں امتحاں کیوں ہو
    سرمحفل رقیبوں پر ہی اتنا مہرباں کیوں ہو
    مرے جذب ِ وفا کا سنگ دل یوں امتحاں کیوں ہو
    پسِ مردن نگاہِ ناز بھی کچھ کار فرما تھی
    فقط اک موردِ الزام جورِ آسماں کیوں ہو
    جہاں ہر غنچہ و گل رورہے ہوں خون کے آنسو
    وہاں میں کیا کروں رہ کر،وہ میرا گلستاں کیوں ہو
    صفیرانِ چمن کو ایک دن یہ سوچنا ہوگا
    میری شاخِ نشیمن ہی پہ جورِباغباں کیوں ہو
    اے چشم خونفشاں رسوائیاں ہیں اشک باری میں
    عدو کے سامنے آخر کوئی ماتم کناں کیوں ہو
    جو ساقی کی نگاہِ مست سے بد مست ہوجائے
    تو پھر منت کش جامِ شراب ارغواں کیوں ہو
    مٹادو میری پیشانی سے لکھا میری قسمت کا
    ’’جبینِ بندگی محروم سنگ آستاں کیوں ہو‘‘
    چمن کے باغباں نے لوٹ لی عزت جہاں ناصرؔ
    توپھر منتِ کشِ تابِ شنیدن داستاں کیوں ہو
  2. محمدداؤدالرحمن علی

    محمدداؤدالرحمن علی منتظم۔ أیده الله Staff Member منتظم رکن افکارِ قاسمی

    پیغامات:
    6,290
    موصول پسندیدگیاں:
    1,707
    صنف:
    Male
    جگہ:
    Pakistan
    واہ واہ بھت خوب حضرت مفتی صاحب

    آج پتہ لگا ہمارے درمیان ایک اور شاعر بھی ہیں
  3. بنت حوا

    بنت حوا فعال رکن وی آئی پی ممبر

    پیغامات:
    4,572
    موصول پسندیدگیاں:
    458
    صنف:
    Female
    جگہ:
    Pakistan
    بہت خوب
    مفتی صاحب
  4. سیفی خان

    سیفی خان وفقہ اللہ رکن

    پیغامات:
    4,554
    موصول پسندیدگیاں:
    72
    صنف:
    Male
    جگہ:
    Pakistan
    چمن کے باغباں نے لوٹ لی عزت جہاں ناصرؔ
    توپھر منتِ کشِ تابِ شنیدن داستاں کیوں ہو
  5. ذیشان نصر

    ذیشان نصر ناظم۔ أیده الله ناظم

    پیغامات:
    634
    موصول پسندیدگیاں:
    28
    صنف:
    Male
    جگہ:
    Pakistan
    واہ مفتی صاحب ۔۔۔۔ بہت خوب۔۔۔ چھاگئے آپ ۔۔۔۔
    حضرت آپ کی تک بندی نے بڑے بڑے شاعروں کو پیچھے چھوڑ دیا ہے ۔۔۔کوشش کے باوجود بھی شاعری کی کوئی غلطی نہیں نکال پایا۔۔۔۔ الفاظ کا چناؤ ، تخیل ، روانی ، غرض ہر چیز ہی خوب سے خوب تر ہے ۔۔۔ غالبا آپ جان بوجھ کر کسرِ نفسی کا اظہار فرما رہے ہیں ۔۔۔۔! ورنہ آپ تو تمام شاعرانہ اسلوب سے بہرہ ور ہیں ۔۔۔!
    آپ کی مزید سخن آرائی کا شدت سے انتظار رہے گا۔۔!

اس صفحے کو مشتہر کریں