فرقتِ یار میں کیا خوب نظارے دیکھے ۔۔ محمد ذیشان نصر

ذیشان نصر

وفقہ اللہ
رکن
فرقتِ یار میں کیا خوب نظارے دیکھے
کوچۂ دل میں مکیں چاند ستارے دیکھے

راہِ الفت سے جو گذرے تو تڑپتے ہم نے
عشقِ لیلیٰ میں کئی قیس بچارے دیکھے

یوں تو عشاق کئی ڈوب کے ابھر ے لیکن
بحرِ الفت کے کسی نے نہ کنارے دیکھے

معجزہ یہ بھی ہوا پیار میں جاناں اکثر
رات آنکھوں میں کٹی، خواب تمہارے دیکھے

جام و مینا کا رہا ہوش نہ دیوانوں کو
چشمِ ساقی میں چمکتے جو ستارے دیکھے

چاند چہرے تو کئی دیکھے زمانے نے نصرؔ
کچھ نہ دیکھا ،جو نہ محبوبﷺ ہمارے دیکھے

محمد ذیشان نصر
9 اگست 2015
 

احمدقاسمی

منتظم اعلی۔ أیدہ اللہ
Staff member
منتظم اعلی
چاند چہرے تو کئی دیکھے زمانے نے نصرؔ
کچھ نہ دیکھا ،جو نہ محبوبﷺ ہمارے دیکھے ۔۔ سبحان اللہ ۔سبحان اللہ
 
Top