نبی کا نام

[احمدقاسمی]

نبی صلی اللہ علیہ وسلم کا نام

نبی کا نام ہے ایسے خدا کے نام کے بعد
کہ جیسے کوئی مؤذن رہے امام کے بعد

یقین ختم نبوت پہ کیوں نہ ہو آخر
کہیں نکلتا ہے سورج بھی کوئی شام کے بعد

حضور آئے تو ہر دیں کے بجھ گئے تارے
کوئی نہ چمکا عرب کے مہ کام کے بعد

شمیم خلد ہے سرکار کے پسینے میں
مہکتے جاتے ہیں کیوں راستے خرام کے بعد

ہم ان کی نعت جو لکھیں تو کس طرح لکھیں
خطاب جن کو خدا تبھی کرے سلام کے بعد

سلامتی ہے عطا راہ شاہ طیبہ میں
کہیں نجات نہیں سید الانام کے بعد​

 

[خادمِ اولیاء]

ماشاء اللہ .بہت خوب جزاک اللہ

 

[نورمحمد]

ماشاء اللہ

 

[سیفی خان]

جزاک اللہ ۔ ۔ ۔ ۔ ۔