خرگوش
خرگوش ایک جانور ہے اس کا گوشت اسلام میں حلال ہے۔ خرگوش دو طرح کے ہوتے ہیں یعنی جنگلی اور پالتو ،دونوں کا گوشت شریعت اسلامیہ میں کھانا جائز ہے کیونکہ حضور صلی اللہ علیہ وسلم نے خرگوش کا گوشت کھانے کی ترغیب دی ہے۔
خرگوش کا گوشت کھانے کے متعلق حضور صلی اللہ علیہ وسلم کا ارشاد حسب ذیل ہے
"حضرت انس رضی اللہ عنہ راوی ہیں کہ مکہ مکرمہ سے ایک میل دور مقام مر الظہران میں میں نے ایک خرگوش کو دوڑایا ۔پھر اسے پکڑا اور حضرت ابو طلحہ رضی اللہ عنہ کے پاس لے کر حاضر ہوا۔آپ نے نے اسے ذبح فرمایا یا اور اور اس کی رانیں اور سرین میرے ذریعے حضور انور صلی اللہ علیہ وسلم کی خدمت میں ارسال کردیں جنہیں آپ نے قبول فرمالیا"۔
(نسائی شریف ترمذی)
"حضرت حضرت صفوان رضی اللہ عنہ نے فرمایا میں نے دو خرگوش پکڑے،پھر انھیں ذبح کرنے کے لیے کچھ نہ پایا تو انہیں پتھر سے ذبح کیا۔بعد ازاں حضور انور صلی اللہ علیہ وسلم سے دریافت کیاتو آپ نے فرمایا انہیں کھا ؤ"۔( نسائی شریف)
خرگوش کا گوشت خوش ذائقہ ہوتا ہے ،مزاج کے لحاظ سے معتدل ہے مگر قدرے حرارت کی طرف تھوڑا سا مائل ہوتا ہے، زیادہ تر اس کے کولھوکا گوشت پسند کیا جاتا ہے معدہ اور دل کو طاقت دیتا ہے اگر کسی شخص کو پتھری رہتی ہو تو اسے مسلسل چند یوم تک استعمال میں لائے ۔
"حکماء کا کہنا ہے پتھری ریزہ ریزہ ہو کر بذریعہ پیشاب خارج ہو جائیگی۔اس کے علاوہ جس شخص کا پیشاب جل کر آتا ہو تو خرگوش کا گوشت کھانے سے پیشاب کھل کر آنے لگے گا۔ اس کی سری کا گوشت رعشہ کےمرض میں بہت زیادہ مفید ہے یرقان کے مرض کے دوران اس کا کھانامرض میں افاقہ پیدا کرتا ہے"۔
Last edited:
