دنیا کے چند ذہین ترین جانور
ذہانت کسی کی میراث نہیں ہوتی یہ محاوہ عام طور پر انسانوں کے لیے بولا جاتا ہے تا ہم ایسے جانور بھی موجود ہیں جو کسی سے کم نہیں ۔
ایسے ہی ذہین جانوروں کی فہرست آپ کو یقینا حیران کر دے گی ۔ دنیا میں سب سے زیادہ ذہین جانور دراصل ایک پرندہ ہے ، جسے انگریزی میں گرے پیرٹ اور اردو میں خاکستری طوطا کہا جاتا ہے اس نسل کے طوطے انتہائی ذہین اور وفادار ہو تے ہیں ، خصوصاً ایک طوطا الیکس تو ۵۰ مختلف اشیاءمیں تمیز کر نے کی صلاحیت اور منطقی طور پر ان کی شناخت بھی کراسکتا ہے ۔
اس کے بعد ہاتھی کانام آتا ہے جو بہت ذہین اور جذباتی جانور ہے ۔وہ اپنے مردہ رشتے داروں کو پہچاننے کی حیرت انگیز صلاحیت رکھتے ہیں اور اس کے پاس سے اس وقت تک نہیں ہٹتے جب تک وہ گلنے نہ لگے ۔تیسرے نمبر پر لائنزیہ سمندری شیر ہیں جو منطقی انداز سے سوچ سکتے ہیں۔ایک پالتو سی لائن تو حساب کے مختلف فارمولے بھی حل کرنے کی صلاحیت رکھتا ہے۔
چیمپنزی وہ مخلوق ہے جس کے بارے میں کہا جاتا ہے کہ وہ سوچنے کی صلاحیت رکھتےہیں، حال ہی میں یہ بات بھی سامنے آئی ہے کہ وہ مستقبل کی منصوبہ بندی بھی کرتے ہیں ۔
اس کے بعد کتے ہیں جنھیں انسانوں کا بہترین دوست سمجھا جاتا ہے ۔یہ بھی انتہائی ذہین جاندار ہے جو ۳۰۰ لفظ اپنے ذہن میں محفوظ رکھنے کی صلاحیت رکھتا ہے ۔
چھٹے نمبر پر عقلمند کوے ہیں جو جانتے ہیں کہ کس طرح سوچنا ہے ،سیکھنا ہے اور احساس کرنا ہے ۔بہت منتقم مزاج اور اپنے دشمنوں کو ہر حال میں پہچان لیتے ہیں ۔
ساتویں نمبر پر افریقی ببون ہیں جن کا رویہ بالکل انسانوں جیسا ہوتا ہے ۔ان کا اپنا پیچیدہ سماجی نظام ہے ،وہ تناؤ محسوس کرتے ہیں اور از خود تجزیہ کر سکتے ہیں ۔
چیونٹی بھی کسی سے پیچھے نہیں ،یہ ننھی سی مخلوق انتہائی عیار ہوتی ہے ،بڑے گروپوں میں جمع ہو کر یہ چھوٹی آبادیوں والی چیونٹیوں کو غلام بنا یتی ہیں ۔ان کو معلوم ہوتا ہے کہ سورج کس وقت کہاں ہوگا۔
آخری نمبر پر انسان دوست ڈولفنز ہیں ، یہ آئنے میں خود کو دیکھ کر پہچاننے کی صلاحیت رکھتی ہیں ،انہیں اپنیماں،گروپ لیڈر اور رشتے داروں کی پہچان بھی ہو تی ہے ۔
