سچے موتی!

[فاطمہ طاہرہ]

بدنصیبی بڑی خوبصورت شکل میں آتی ہے اور ہم اسے نہیں پہچان پاتے۔۔۔
اسی طرح خوش نصیبی بظاہر خوبصورت شکل میں نہیں ہوتی اور ہم اسے بھی پہچاننے سے انکار کر دیتے ہیں۔

 

[فاطمہ طاہرہ]

چٹانوں کا کٹ جانا، دریا کی طاقت کی وجہ سے نہیں بلکہ اس کی روانی اور استقامت کی وجہ سے ہوتا ہے۔

 

[فاطمہ طاہرہ]

جب کسی سے اعتبار اٹھ جائے تو اگلا بندہ قسم کھائے یا زہر فرق نہیں پڑتا۔

 

[مولانانورالحسن انور]

بہترین انسان عمل سے پہچانا جاتا ہے ورنہ اچھی باتیں تو دیواروں پہ بھی لکھی ہوتی ہیں

 

[فاطمہ طاہرہ]

کبھی نہیں سنا کہ انسان کو عاجزی لے ڈوبی، انسان ہمیشہ تکبر میں ہی مارا جاتا ہے۔

 

[فاطمہ طاہرہ]

اگر کوئی تمہاری فکر کرتا ہے تو اس کی قدر کرو کیونکہ اس دنیا میں فکر کرنے والے بہت کم ہیں اور تماشائی بہت زیادہ ہے

 

[فاطمہ طاہرہ]

صبر ایک ایسی سواری ہے جو اپنے سوار کو گرنے نہیں دیتی نہ کسی کے قدموں میں نہ کسی کی نظروں میں۔

 

[مولانانورالحسن انور]

جن گھروں میں بڑوں سے مشورے نہیں لئیے جاتے بعد میں ان گھروں میں وکیلوں ں سے مشورے لئیے جاتے ہیں

 

[فاطمہ طاہرہ]

کچھ لوگ اپنے آپ کو انسان نہیں فرشتہ سمجھتے ہیں اور کام بھی فرشتے والوں کرتے ہیں جیسے دوسروں کے گناہوں اور برائیوں کا حساب رکھنا۔

 

[فاطمہ طاہرہ]

قناعت جسم کو تازگی بخشتی ہے اور حسد جسم کو گلا دیتا ہے۔

 

[فاطمہ طاہرہ]

مومنوں کی محفل میں بیٹھ کر خود کو مومن کہلانا بہت آسان ہے، لیکن تنہائی میں بیٹھ کر خود کو مومن کرنا بہت مشکل ہے۔

 

[فاطمہ طاہرہ]

ہماری موجودگی اگر کسی کو پریشان کرتی ہے تو ہمارا پیچھے ہٹ جانا بہتر ہے۔

 

[فاطمہ طاہرہ]

غرور اور غفلت کا نشہ شراب سے بھی زیادہ ہوتا ہے۔جو اس نشے میں مبتلا ہو جاتا ہے وہ جلدی ہوش میں نہیں آتا۔

 

[فاطمہ طاہرہ]

اس شخص کو کوئی نہیں بدل سکتا جس کو اپنے اندر کوئی غلطی نظر ہی نہ آتی ہو۔

 

[فاطمہ طاہرہ]

اگر تم غلط کو غلط نہیں کہہ سکتے تو تم غلامی کے اعلی ترین درجے پر ہو۔
اور اگر تم غلط کو غلط نہیں سمجھتے توتم جہالت کے اعلی ترین درجے پر ہو۔

 

[فاطمہ طاہرہ]

انسان بھی کتنا عجیب ہے جب دوسروں کو آزمائش میں دیکھتا ہے تو کہتا ہے "جیسی کرنی ویسی بھرنی"۔
اور جب خود تکلیف میں ہوتا ہے تو کہتا ہے "آزمائش تو اللہ کے محبوب بندوں پر آتی ہے۔۔۔۔!"

 

[فاطمہ طاہرہ]

کبھی کبھی چپ رہنا شکایت کرنے سے زیادہ بہتر ہوتا ہے۔ کیونکہ جن کو ہماری شکایت سے فرق نہیں پڑتا ان کے سامنے اپنے الفاظ ضائع کرنے کا کیا فائدہ۔

 

[فاطمہ طاہرہ]

زندگی میں آگے بڑھنا ہے تو بہرے ہو جاؤکیونکہ بعض لوگوں کی باتیں مایوسی میں اضافہ کر دیتی ہیں۔

 

[فاطمہ طاہرہ]

راستہ بدل لینا چاہیے۔۔۔
جب آنکھوں کے پیچھے نمی اور مضبوط لفظوں کے پیچھے ٹوٹا ہوا لہجہ کوئی نہ سمجھ سکے۔

 

[فاطمہ طاہرہ]

ماں باپ کے ساتھ تمہارا سلوک ایسی کہانی ہے جو لکھتے تم ہو لیکن تمہاری اولاد تمہیں پڑھ کر سناتی ہے۔