جنت میں آپ ﷺ کی رفاقت نصیب ہوجائے
ایک صحابی سفر میں حضور ﷺ کیساتھ تھے‘ حضور ﷺ کا خیمہ مبارک جہاں لگا ہوا تھا‘ انہوں نے طے کرلیا کہ آج آنحضرت ﷺ کی خدمت بجالاؤنگا۔ وہ صحابی حضور ﷺ کے خیمہ کے دروازے پر سر رکھ کر سوگئے‘ انہوں نے سوچا کہ حضور ﷺ جب باہر نکلیں گے یا اندر کھٹ کھٹ کی آواز آئیگی تو مجھے فوراً جاگ آجائیگی‘ چنانچہ حضور ﷺ رات کو تہجد کے وقت اپنے معمول کے مطابق جب اٹھے تو اس صحابی کو فوراً جاگ آگئی‘ رات کو آپ ﷺ کی جو ضروریات تھیں یعنی پانی وغیرہ انہوں نے وہ تمام ضروریات مہیا کیں‘ پانی کا لوٹا لیکر حضور ﷺ کو وضو کرویا‘ تب حضور ﷺ نے ارشاد فرمایا کہ مانگ کیا مانگتا ہے! وہ کہنے لگے کہ میں اور کچھ نہیں مانگتا ہوں‘ صرف ایک چیز مانگتا ہوں کہ جنت میں آپکی رفاقت نصیب ہوجائے‘ آپ ﷺ نے ارشاد فرمایا کہ اسکے علاوہ کچھ اور مانگو‘ اس صحابی نے کہا یارسول اللہ ! بس یہی ایک چیز مانگنی ہے‘ یہ مل جائے تو ٹھیک ہے‘ آپ ﷺ نے فرمایا کہ دیکھو وعدہ ہوگیا‘ لیکن تم میری مدد کرنا کثرتِ سجود کے ساتھ۔
فائدہ: تم چاہتے ہو کہ قیامت کے دن نبی اکرم ﷺ کا ساتھ نصیب ہو‘ لیکن من مانی اپنی کرتے ہو‘ یہ کیسے ہوسکتا ہے؟ بھائی! اگر حضور ﷺ کی رفاقت چاہتے ہو تو پھر حضور ﷺ کی چال ڈھال‘ آپ ﷺ کی شکل وشباہت‘ آپ ﷺ کی رفتار وگفتار اور طور طریقے اختیار کرو۔
ایک صحابی سفر میں حضور ﷺ کیساتھ تھے‘ حضور ﷺ کا خیمہ مبارک جہاں لگا ہوا تھا‘ انہوں نے طے کرلیا کہ آج آنحضرت ﷺ کی خدمت بجالاؤنگا۔ وہ صحابی حضور ﷺ کے خیمہ کے دروازے پر سر رکھ کر سوگئے‘ انہوں نے سوچا کہ حضور ﷺ جب باہر نکلیں گے یا اندر کھٹ کھٹ کی آواز آئیگی تو مجھے فوراً جاگ آجائیگی‘ چنانچہ حضور ﷺ رات کو تہجد کے وقت اپنے معمول کے مطابق جب اٹھے تو اس صحابی کو فوراً جاگ آگئی‘ رات کو آپ ﷺ کی جو ضروریات تھیں یعنی پانی وغیرہ انہوں نے وہ تمام ضروریات مہیا کیں‘ پانی کا لوٹا لیکر حضور ﷺ کو وضو کرویا‘ تب حضور ﷺ نے ارشاد فرمایا کہ مانگ کیا مانگتا ہے! وہ کہنے لگے کہ میں اور کچھ نہیں مانگتا ہوں‘ صرف ایک چیز مانگتا ہوں کہ جنت میں آپکی رفاقت نصیب ہوجائے‘ آپ ﷺ نے ارشاد فرمایا کہ اسکے علاوہ کچھ اور مانگو‘ اس صحابی نے کہا یارسول اللہ ! بس یہی ایک چیز مانگنی ہے‘ یہ مل جائے تو ٹھیک ہے‘ آپ ﷺ نے فرمایا کہ دیکھو وعدہ ہوگیا‘ لیکن تم میری مدد کرنا کثرتِ سجود کے ساتھ۔
فائدہ: تم چاہتے ہو کہ قیامت کے دن نبی اکرم ﷺ کا ساتھ نصیب ہو‘ لیکن من مانی اپنی کرتے ہو‘ یہ کیسے ہوسکتا ہے؟ بھائی! اگر حضور ﷺ کی رفاقت چاہتے ہو تو پھر حضور ﷺ کی چال ڈھال‘ آپ ﷺ کی شکل وشباہت‘ آپ ﷺ کی رفتار وگفتار اور طور طریقے اختیار کرو۔
