حضرت امیر خسرو رحمۃ اللہ علیہ
حضرت امیر خسرو رحمۃ اللہ علیہ کی شہرہ آفاق شخصیت سے کون واقف نہیں ۔ایک بار آپ کسی دیہاتی علاقہ میں سفر کر رہے تھے کہ ایک گاؤں میں آکر پنگھٹ پر ٹہر گئے ۔وہاں گاؤں کی عورتیں پانی بھر رہی تھیں ۔امیر خسرو نے ان سے پانی طلب کیا ۔ایک عورت نے اس اجنبی شخص کو دیکھ کر سوال کیا“ پہلے یہ بتاؤ تم کون ہو اور کہاں سے آئے ہو“؟امیر خسرو نے کہا دیکھو!“ پنگھٹ پر تم چار عورتیں ہو تم میں سے ہر ایک ،ایک ایک چیز کا نام لے ۔
ایک عورت نے کہا ۔۔۔۔۔۔۔۔“کھیر“۔
دوسری نے کہا۔۔۔۔۔۔۔۔۔۔۔“کتا“۔
تیسری نے کہا ۔۔۔۔۔۔۔۔۔“چرخہ“۔
چوتھی نے کہا۔۔۔۔۔۔۔۔۔“ ڈھول“۔
امیر خسرو نے بر جستہ کہا!
“ کھیر پکائی جتن سے۔۔۔۔ چرخہ دیا چلا۔
آیا کتا کھا گیا۔۔۔۔۔۔۔۔تو بیٹھی ڈھول بجا“
“لاپانی پلا“
