وہ بازو نہیں بھیجا

محمدداؤدالرحمن علی

خادم
Staff member
منتظم اعلی

امیرالمومنین حضرت عمر بن خطاب رضی اللہ نے حضرت عمرو بن معدی کرب رضی اللہ عنہ کے پاس پیغام بھیجاکہ وہ ان کے پاس اپنی وہ تلوار بھیج دیں جو صمصامہ کے نام سے مشہور ہے- یہ وہ تلوار تھی جس نے رستم کے ہاتھی کے پاؤں ایک وار میں ہی کاٹ ڈالے تھے-

حضرت عمروبن معدی کرب رضی اللہ عنہ نے وہ تلوار امیرالمومنین حضرت عمر بن خطاب رضی اللہ عنہ کے پاس بھیج دی - جب امیرالمومنین حضرت عمر رضی اللہ عنہ نے تلوار چلائی تو اس کو اس کے مرتبہ سے کم پایا، جس کی خبرامیرالمومنین حضرت عمر رضی اللہ عنہ نے اس تلوار کے بارے میں سنی تھی-

امیرالمومنین حضرت عمر رضی اللہ عنہ نے حضرت عمروبن معدی کرب رضی اللہ عنہ کو خط لکھا جس میں تحریر فرمایا:

میں نے تمہاری تلوار کو ویسا نہیں پایا جیسا سنا تھا-

حضرت عمروبن معدی کرب رضی اللہ عنہ نے خط کے جواب میں ارشاد فرمایا:

، میں نے امیرالمومنین کی خدمت وہ تلوار بھیجی ہے،
وہ بازو نہیں بھیجا، جس سے یہ تلوار چلائی جاتی ہے


اللہ اللہ اللہ
کیا شان ہے اللہ والوں کی
 
Top