وجہِ تسکین جاں۔۔۔۔۔الف احمد برق

احمدقاسمی

منتظم اعلی۔ أیدہ اللہ
Staff member
منتظم اعلی
مشفق ومہرباں شریک حیات
ہمدم ورازداں شریک حیات
تم سے حاصل ہیں راحتیں ساری
وجہ تسکین جاں شریک حیات

ایک مدت سے جستجو میں رہا
تم کو پانے کی آرزو میں رہا
تم کو پاکر سفر تمام ہوا
گویا جینے کا اہتمام ہو
مل گیا آشیاں شریک حیات
وجہ تسکین جاں شریک حیات

ظرف عالی نسب بھی عالی ہے
ذوق عمدہ ہے خوش خیالی ہے
ضبط کی انتہا بھی ہے تم میں
صبر بھی کس قدر مثالی ہے
تم میں کیا کچھ نہاں شریک حیات
وجہ تسکین جاں شریک حیات

باغِ ہستی کی رونقیں تم سے
زندگی میں بہار اب تک ہے
کتنے موسم گزر گئے لیکن
روز اول سا پیار ہے اب تک
الفت جاوداں شریک حیات
وجہ تسکین جاں شریک حیات

تین پھولوں سے سج گیا گلشن
مہکے د ن رات گھر میرا آنگن
میری آنکھوں کو بخش دی ٹھنڈک
میرا خوشیوں سے بھر دیا دامن
شکریہ جان جاں شریک حیات
وجہ تسکین جاں شریک حیات​
 
Top